لاہور کے علاقے کینٹ میں پولیس نے اے ٹی ایم مشینیں لوٹنے والے تین رکنی گینگ کو گرفتار کرلیا۔ ایس پی کینٹ عبادت نثار کے مطابق گرفتار ملزمان نجی بنکوں کی اے ٹی ایم مشینیں توڑ کر رقم لوٹتے تھے۔
ملزمان نے شالیمار چوک میں ایک نجی بینک کی اے ٹی ایم مشین لوٹنے کی کوشش کی تو سیکیورٹی الارم بجنے پر پولیس پہنچ گئی، ملزمان فرار ہوگئے تاہم پولیس نے تعاقب کرکے انہیں مومن پورہ سے گرفتار کرلیا۔
گرفتار ملزمان میں رضوان، علی اور کاشی شامل ہیں، ملزمان سے اے ٹی ایم مشینیں توڑنے والے آلات، اسلحہ اور لوٹی ہوئی رقم بھی برآمد کرلی گئی۔