پنجاب پولیس میں تنزلی کا شکار افسروں نے لاہور کی بادشاہی مسجد میں اجتماع کیا، ان افسروں کا کہنا ہے کہ کیس عدالت میں زیر سماعت ہے،محکمے نے جلد بازی کا مظاہرہ کرتے ہوئے تنزلی کردی۔
پنجاب پولیس کے افسران نے تنرلی کے بعد پولیس رینکرز ایسوسی ایشن بنالی، ڈی آئی جی او ر ایس پی کے عہدے سے تنزلی پانے والے افسران بادشاہی مسجد میں جمع ہوگئے، اس موقع پر سابق ایس پی سی آئی اے عمر ورک کا کہنا تھا کہ اُن سب کے ساتھ ناانصافی ہوئی ہے۔
پنجاب پولیس کی رینکرز ایسوسی ایشن کے صدر ریاض شاہ کا کہنا تھا کہ وہ لوگ اپنے وقار اورساکھ کی جنگ لڑ رہے ہیں، انہوں نے قربانیاں دی ہیں جن کا اعتراف کرنے کی بجائے یہ کہا جارہا ہے کہ چور دروازے سے ترقیاں پائیں۔