ایڈونچرفلم 'بمبل بی'کی نئی جھلکیاں جاری

ایکشن سے بھرپور نئی ایکشن ایڈونچرفلم 'بمبل بی'کی نئی جھلکیاں جاری کر دی گئیں ہیں ۔

ہالی وڈ ہدایت کارٹریوس نائٹ کی یہ فلم 1987کے دور کی عکاسی کر رہی ہے جب بمبل بی کیلیفورنیا کے ایک کباڑ خانے میں پڑا ہوتا ہے اورخلاء سے زمین پرآنے کے بعد اب اپنی نئے گھر کی تلاش میں مصروف ہوتا ہے ۔

نامور پروڈیوسر مائیکل بے اور اسٹیفن ڈیوس کی مشترکہ پروڈکشن میں بننے والی اس فلم کی کاسٹ میں نامور ریسلر اور اداکار جان سینا جلوئہ گر ہو رہے ہیں۔

فلم کی دیگر کاسٹ میںپامیلا ایڈلن ، ہیلی اسٹین فیلڈ،مارٹن شارٹ (بمبل بی )،مارسیلا بریگیو، پیٹر کولن اورکینیتھ کوئی سمیت کئی فنکار شامل ہیں۔پیلے رنگ کی ننھی کار سے دیوہیکل روبوٹ میں تبدیل ہوتے اس نٹ کھٹ کردار کی دلچسپ حرکات اس فلم میں بھی شائقین کو بیحد پسند آئینگی۔

فلم پیرا مائونٹ پکچرز کے تحت21دسمبر کوامریکی سینما گھروں کی زینت بنے گی۔