بنگلہ دیش کرکٹ بورڈ کی پیشکش ،مشتاق احمد کی معذرت

پاکستان کرکٹ ٹیم کے سابق لیگ اسپنرمشتاق احمدنے بنگلہ دیش کرکٹ بورڈ کی پیشکش کو قبول کرنے سے انکار کر دیا ہے،بنگلہ دیش بورڈ نے مشتاق احمد کو بولنگ کوچ کی پیشکش کی تھی۔

ذرائع کے مطابق بنگلادیش کرکٹ بورڈنے قومی کرکٹ ٹیم کے سابق لیگ اسپنرمشتاق احمدسے بولنگ کوچ کے عہدے کے لئے رابطہ کیا تھاجبکہ بنگلہ دیش کرکٹ بورڈ نےجنوبی افریقا کے بلے باز گیری کرسٹن کے مشورے پر کوچ کی تھی تاہم مشتاق احمد نے بنگلادیش کی پیشکش قبول کرنے سے انکارکردیا۔

سابق لیگ اسپنر مشتاق احمد اس وقت پاکستان کرکٹ بورڈ کی نیشنل کرکٹ اکیڈمی کے ہیڈ کوچ ہیں۔مشتاق احمد نے بنگلادیشی بورڈکوجواب میں بھی یہ جواز پیش کیا ہے کہ وہ پاکستان کرکٹ کے لئے کام کرناچاہتے ہیں۔