کراچی میں سخی حسن کے پمپنگ اسٹیشن کے ٹینک سے کتے کی لاش ملی ہے ۔ وزیر بلدیا ت سعید غنی نے واقعے کا نوٹس لے لیا ہے ۔
وزیر بلدیات سعید غنی نے ایم ڈی واٹر بورڈ خالد شیخ کو واقعے کی تحقیقات کرنے کی ہدایات جاری کردی ہیں ۔
سعید غنی نے کہا کہ ایسے واقعات کے تدارک کے لیے موثر اقدامات کیے جائیں اور غفلت میں مرتکب ملازمین کے خلاف کارروائی کی جائے ۔
ایم ڈی واٹر بورڈ خالد شیخ کا کہنا ہے کہ سخی حسن میں پمپنگ اسٹیشن سے کتے کی لاش کو نکال دیا گیا ہے ۔
انہوں نے کہا کہ اسٹیشن کا پانی صاف ضائع کرکے ٹینک کو صاف کیا جارہاہے ۔
ایم ڈی واٹر بورڈ نے کہا کہ ٹینک کی صفائی کے بعد پانی کی فراہمی کو بحال کر دیا جائے گا ۔