اسرائیل نے اپنے فوجی کو تھپڑمارنے والی بہادر فلسطینی لڑکی کے بیرون ملک سفر پر غیر معینہ مدت کےلئے پابندی لگادی ہے ۔
فلسطینی لڑکی احد تمیمی کے خلاف اسرائیل کی ایک مذموم کارروائی سامنے آئی ہے ۔
احد تمیمی نے اہل خانہ سمیت فلسطین کی مزاحمتی تحریک پر منعقدہ سیمینار میں شرکت کےلئے اگلے ہفتے یورپ جانا تھا ۔
فلسطینی لڑکی کو گزشتہ سال دسمبر میں اپنے گھر سے باہر ایک اسرائیلی فوجی کو تھپڑ مارنے پر 8 ماہ قید کی سزا سنائی گئی تھی ۔
احد تمیمی 8 ماہ کی سزا کاٹنے کے بعد جولائی میں رہا ہوئی تھیں ،اسرائیلی فوجی کو تھپڑ مارنے کی ویڈیو احد کی والدہ نے بنائی تھی ۔
ویڈیو کے سامنے آنے کے بعد احد تمیمی کو گرفتار کرکے اشتعال انگیزی سمیت 12 الزامات لگائے گئے تھے، جن میں 4 ثابت ہونے پر احد کو جرمانے کے ساتھ 8 ماہ قید کی سزا سنائی گئی تھی۔