پاکستان فٹ بال فیڈریشن کا ڈیم کی تعمیر کے لیے 21لاکھ کا عطیہ

پاکستان فٹ بال فیڈریشن کے نائب صدر سردار نوید حیدر نے سیکرٹری جنرل پی ایف ایف اور پاکستان فٹ بال ٹیم کے کھلاڑیوں کے ہمراہ سپریم کورٹ آف پاکستان کے چیف جسٹس ثاقب نثار سے ملاقات کی۔

سپریم کورٹ میں بدھ کو ہونے والی ملاقات میں نوید حیدر اور قومی فٹبال ٹیم کے کھلاڑیوں نے سائوتھ ایشیا کپ 2018 میں فٹبال ٹیم کی جانب سے جیتی گئی انعامی رقم ملک میں پانی کی کمی کو پورا کرنے کے لیے چیف جسٹس آف پاکستان کی جانب سےت قائم کیے گئے ڈیم کی تعمیر کے فنڈز میں عطیہ کردی ۔

ترجمان سپریم کورٹ کے مطابق قومی فٹبال ٹیم نے 1.2 ملین روپے کا چیک چیف جسٹس ثاقب نثار کو پیش کیا جس پر سپریم کورٹ آف پاکستان کے چیف جسٹس ثاقب نثار نے ڈیم فنڈ کیلئے رقم دینے پر فٹبال ٹیم کا شکریہ ادا کیا۔