ایشیا کپ : پاکستان کو بھارت سے بدلہ لینے کا موقع مل گیا

22 ستمبر ، 2018

پاکستان کے پاس ایشیا کپ کے رائونڈ میچ میں بھارت سے شکست کا بدلہ لینے کا موقع آگیا ہے ۔

ذرائع کے مطابق گرین شرٹس نے افغانستان سے میچ کے بعد جیت کےلئے حکمت عملی بدلنے کا ارادہ کرلیا ہے ،جس کے بعد شائقین کرکٹ کو کل کے میچ میں سرپرائز مل سکتا ہے ۔

بھارت کےخلاف میچ میں کون کھیلے گا ،کسے باہر رکھنا ہے سرفراز احمد کےلئے فیصلے کا وقت آگیا ہے ،قومی ٹیم کے کپتان کھلاڑیوں کی ناقص فیلڈنگ سے بھی پریشان ہیں ،جنہوں نے گزشتہ میچ میں کئی آسان کیچ ڈراپ کئے۔

ملک بھر میں کرکٹ کاجنون اپنے عروج پر پہنچ گیا ہے،سپر فور مرحلے میں کل دبئی میں پاکستان اور بھارت کا ایک بار پھر آمنا سامنا ہوگا ۔

پاکستانی شایقین قومی ٹیم سے اچھی پرفارمنس کےلئے پرامید ہیں اور ان میں ایونٹ میں پہلی شکست کا بدلہ چکانے کی خواہش ہے ،دوسری طرف سرفراز الیون بھی حریف پر جھپٹنے کےلئے تیار ہے ۔

بھارت سے شکست کا بدلہ چکانے کےلئے فخرزمان کو پرفارم کرنا اورشعیب ملک ، حسن علی ، امام الحق اور بابراعظم کو بھی پورا زور لگانا ہوگا۔

پاکستان کرکٹ ٹیم کو بھارت کے ساتھ سپر فور مرحلے کے اس اہم میچ کےلئے اپنی فیلڈنگ بہتر بنانا ہوگی ،میچ میں فتح کی صورت سرفراز الیون کے لئے فائنل کا راستہ آسان ہوجائےگااور ہارنے والی ٹیم کےلئے راستے کی رکاوٹیں بڑھ جائیں گی۔

تازہ ترین