’پاکستانیت کا جذبہ بیدار ہوتے ہی مسائل حل ہوجائیں گے‘

چیف جسٹس آف پاکستان جسٹس ثاقب نثار نے کہا ہے کہ پاکستانیت کو اجاگر کرنے کی ضرورت ہے ،پاکستان سے محبت کا جذبہ بیدار ہوتے ہی مسائل بھی حل ہوجائیں گے۔

چترال میں ڈسٹرکٹ بار کے وکلاء سے خطاب میں چیف جسٹس نے کہا کہ بروقت اقدامات نہیں کئے تو پانی کا مسئلہ گھمبیر صورت اختیار کر جائے گا۔

انہوں نے مزید کہا کہ ڈیم ملک کی ضرورت ہیں، پانی کے ذخائر کم ہوتے جارہے ہیں۔

چیف جسٹس نے کہا کہ والدین بچوں کیلئے جائیداد چھوڑ کر جاتے ہیں ہم مقروض چھوڑ کر جارہے ہیں، چترال کے عوام نے ہر دکان کے شٹر پر پاکستانی جھنڈا بنا رکھا ہے۔

جسٹس ثاقب نثار نےڈسٹرکٹ اسپتال چترال کا دورہ کیا اور مریضوں کی عیادت کی ،اس موقع پر انہیں اسپتالوں میںاسٹاف اور ادویات کی ضرورت سے آگاہ کیا گیا ۔

چیف جسٹس نے کہا کہ اسپتالوں میں اسٹاف اور ادویات کی ضرورت سے آگاہ کریں ، چھ ہفتوں میںاس حوالے سے رپورٹ سپریم کورٹ کو دی جائے ۔

ان کا مزید کہناتھاکہ لواری ٹنل سے متعلق لوگوں نے شکایات کی ہیں، این ایچ اے فوری رپورٹ کرے،ٹنل بن گئی ہے تومسافروں کو گزرنے کی اجازت ہونی چاہیے۔