پشاور: گلبرگ میں فائرنگ سے بہن بھائی قتل

پشاور کے علاقے گلبرگ میں نامعلوم ملزمان نے فائرنگ کر کے بہن بھائی کو قتل کر دیا۔

علاقہ پولیس کے مطابق واقعہ رات کو پیش آیا ہے جس میں حسنین نامی شخص اور اس کی بہن گولی لگنے سے جاں بحق ہوئے ہیں۔

پولیس کا یہ بھی کہنا ہے کہ مقتولین کی لاشیں پوسٹ مارٹم کے لیے اسپتال بھیج دی گئی ہیں، واقعہ کی تفتیش شروع کر دی گئی ہے، اس دہرے قتل کی وجوہات تاحال سامنے نہیں آسکی ہیں۔