چیچہ وطنی میں فوڈ اتھارٹی کی کارروائی مضر صحت دودھ ضبط

پنجاب فوڈ اتھارٹی نے جعلی دودھ بنانے والوں کے خلاف کارروائی کرکے چیچہ وطنی کے علاقے کسووال سے مضر صحت دودھ ضبط کرلیا۔

ڈائریکٹر جنرل پنجاب فوڈ اتھارٹی کا کہنا ہے کہ چیچہ وطنی میں جعلی دودھ تیار کیا جارہا تھا، جس میں آلودہ پانی میں کیمیکل، پائوڈر اور اسکمڈ ملک دودھ تیار کیا جاتا تھا ، جس کے نتیجے میں کارروائی کرتے ہوئے فوڈ اتھارٹی نے ملک کلیکشن سینٹر کا 800 لیٹر مضر صحت دودھ تلف کر لیا ۔

ڈی جی فوڈ اتھارٹی کا کہنا ہے کہ کارروائی کے نتیجے میں دودھ سے بھرا ٹرک، اسکمڈ ملک، کیمیکل کی بھاری مقدار برآمد کرلی گئی جبکہ کلیکشن سینٹر کو سیل کرکےمقدمہ درج کروا دیا گیا۔