ممبئی کی ایک خصوصی عدالت نے کہا ہے کہ بالی ووڈ سپر اسٹار شاہ رخ خان کے بیٹے آریان خان کے واٹس ایپ چٹ سے بظاہر یہ انکشاف ہوا ہے کہ وہ مستقل طور پر غیر قانونی منشیات کے استعمال کے حوالے سے متحرک تھے۔
بدھ کو ممبئی میں ایک خصوصی عدالت نے آریان خان کی ڈرگز آن کروز کیس میں درخواست ضمانت مسترد کردی۔
عدالت کا کہنا تھا کہ بادی النظر میں واٹس ایپ چیٹ سے یہ انکشاف ہوا ہے کہ ملزم آریان خان غیر قانونی منشیات اور نارکوٹکس اجزا پابندی سے استعمال کررہے تھے۔
خصوصی عدالت کے جج وی وی پٹیل نے اپنے آرڈر میں کہا کہ یہ نہیں کہا جاسکتا ہے کہ اس کا امکان ہو کہ آریان خان ضمانت کے دوران اس کا استعمال نہ کریں۔
عدالت کا مزید کہنا تھا کہ درخواست ضمانت میں جو مواد بطور ریکارڈ پیش کیا گیا ہے اس سے یہ اشارے ملتے ہیں کہ 23 سالہ آریان خان، منشیات سپلائرز اور بیچنے والوں کے درمیان تعلق ہے۔