پاک فوج کے شعبہ تعلقات عامہ آئی ایس پی آر کا کہنا ہے کہ سیکیورٹی فورسز نے دہشت گردوں کی موجودگی کی خفیہ اطلاعات پر شمالی وزيرستان کے علاقے میران شاہ میں آپریشن کیا، جس میں ایک دہشت گرد مارا گیا۔
آئی ایس پی آر کے مطابق شدید فائرنگ کے تبادلے میں ایک دہشت گرد احمد اللّٰہ مارا گیا، ہلاک دہشت گرد سے اسلحہ اور گولہ بارود بھی برآمد ہوا۔
فائرنگ کے تبادلے میں نائیک خلیل اور سپاہی شاکر اللّٰہ شہید ہوگئے۔
شہید نائیک خلیل کا تعلق کوہاٹ اور سپاہی شاکر اللّٰہ کا لکی مروت سے تھا۔