طالبان حکومت کے ترجمان اور نائب وزیر اطلاعات ذبیح اللّٰہ مجاہد نے افغانستان کی ٹی20 ورلڈ کپ میں فتح پر پیغام جاری کیا ہے۔
سماجی رابطے کی ویب سائٹ ٹوئٹر پر جاری بیان میں ذبیح اللّٰہ مجاہد نے کہا کہ ٹیم کی ٹی20 ورلڈ کپ میں فتح پر پوری قوم کو مبارک باد پیش کرتا ہوں۔
انہوں نے مزید کہا کہ ٹیم کی کرکٹ کے میگا ایونٹ میں مزید کامیابیوں کے لیے دعا گو ہوں۔
ٹی 20 ورلڈ کپ میں آج افغانستان کرکٹ ٹیم نے اسکاٹ لینڈ کو 130رنز کے بڑے مارجن سے شکست دی ہے۔
ایونٹ میں سپر 12 مرحلے کے مقابلے جاری ہیں، افغانستان کا اگلا میچ 29 اکتوبر کو پاکستان سے دبئی میں کھیلا جائے گا۔