محکمہ تعلیم سندھ نے اساتذہ کی بھرتیوں کے معاملے میں تمام اضلاع کے تعلیمی افسران اور ڈائریکٹرز کو خط لکھ دیا۔
ڈائریکٹر جنرل ہیومن ریسورس اینڈ ٹریننگ نے تمام اضلاع کے تعلیمی افسران اور ڈائریکٹرز کو خط ارسال کیا ہے۔
خط کے ذریعے محکمہ تعلیم سندھ کے ڈی جی ایچ آر اینڈ ٹریننگ نے ضلعی سطح پر اساتذہ کی خالی اسامیوں کی تفصیلات طلب کرلیں۔
خط میں کہا گیا کہ تمام اضلاع کے تعلیمی افسران اور ڈائریکٹرز اساتذہ بھرتیوں سے متعلق تفصیلات 3 روز میں جمع کرائیں۔
خط میں مزید کہا گیا کہ تفصیل دی جائے کہ خالی اسامیاں کن قومی اور صوبائی اسمبلی کے حلقوں میں آتی ہیں۔
محکمہ تعلیم سندھ نے خط کے ذریعے اساتذہ بھرتی میں اقلیتوں، خصوصی افراد سمیت خواتین کوٹے پر اساتذہ کی خالی نشستوں کی تفصیلات بھی طلب کی ہیں۔