بالی ووڈ اداکار شاہ رخ خان کے بیٹے آریان کی رہائی کیلیے 25 کروڑ روپے رشوت مانگے جانے کا انکشاف ہوا ہے۔
بھارتی میڈیا کے مطابق نارکوٹکس کنٹرول بورڈ کے مخبر گوسوائی کے باڈی گارڈ نے عدالت میں حلفیہ بیان دے کر بھانڈا پھوڑ دیا ہے۔
گارڈ نے اپنے بیان میں کہا کہ انہوں نے اپنے باس سے سنا کہ رہائی 18 کروڑ میں طے ہوئی ہے، 8 کروڑ روپے این سی بی کے تفتیش کار سمیر وانکھڑے کو ملنے تھے۔
بیان دینے کے بعد باڈی گارڈ پربھاکر نے جان کے خطرے کے پیشِ نظر ممبئی پولیس سے سیکورٹی مانگ لی ہے۔
رپورٹس کے مطابق آریان کی درخواستِ ضمانت کی سماعت آج ممبئی ہائیکورٹ میں ہوگی۔
خیال رہے کہ شاہ رخ خان کے بڑے بیٹے آریان خان منشیات برآمدگی کیس میں جیل میں ہیں۔