پاکستان پیپلز پارٹی کے چیئرمین بلاول بھٹو زرداری نے ادارہ شماریات کی مہنگائی پر ہفتہ وار رپورٹ روکنے کی مخالفت کردی۔
بلاول بھٹو نے ادارہ شماریات سے فیصلہ واپس لینے کا مطالبہ کرتے ہوئے کہا کہ عوام سے مہنگائی کے اعداد و شمار چھپانے سے ملک میں مہنگائی کم نہیں ہوگی۔
پی پی چیئرمین نے کہا کہ حکومت اعداد و شمار چھپانے کے بجائے مافیا کو نوازنا اور کرپشن بند کرے، آمرانہ ادوار میں بھی مہنگائی کے اعداد و شمار عوام سے چھپانے کی کوشش نہیں کی گئی۔