شعیب اور ثانیہ کی تصویر میں عائشہ عمر کی موجودگی پرصارفین کے دلچسپ تبصرے

November 27, 2021

ایک تقریب میں بھارتی معروف ٹینس اسٹار ثانیہ مرزا اور کرکٹر شعیب ملک کی تصویر میں اداکارہ عائشہ عمر کی موجودگی سوشل میڈیا صارفین کو ایک آنکھ نہ بھائی اور انہوں نے دلچسپ انداز میں تنقید شروع کردی۔

گزشتہ شام شعیب ملک اور ثانیہ مرزا کی جانب سے لانچ کیے گئے پرفیوم کی تقریب منعقد کی گئی۔

اس تقریب میںجہاں ثانیہ مرزا، شعیب ملک اور اذہان مرزا ملک خصوصی مہمان تھے وہیں اس دوران اس تقریب میں معروف اداکارہ، گلوکارہ و میزبان عائشہ عمر بھی اس جوڑی کے ساتھ ساتھ دکھائی دیں۔


اس تقریب کے دوران بنائی گئی ثانیہ مرزا اور شعیب ملک کے بیٹے کے ہمراہ تصویریں اور ویڈیوز سوشل میڈیا پر وائرل ہیں۔

اس تقریب سے سب سے زیادہ وائرل ہونے والی ویڈیو میں دیکھا جا سکتا ہے کہ اذہان ملک فوٹو شوٹ کے دوران اپنی والدہ، ثانیہ مرزا کے منہ پر تھپڑ مارتا ہے۔



بس پھر کیا تھا، صارفین کو موقع مل گیا اور انہوں نے عائشہ عمر کو آڑے ہاتھوں لے لیا۔

ایک انسٹا گرام صارف نے لکھا کہ ’شعیب ملک اور عائشہ عمر کے ہونے والے بولڈ فوٹو شوٹ پر اذہان یہ تھپڑ عائشہ عمر کومارنا چاہتا تھا مگر لگ ثانیہ مرزا کو گیا۔‘

ایک انسٹا گرام صارف نے تو تصویر دیکھ کر جل کر کہا کہ ’یہاں عائشہ عمر کا کیا کام‘۔