خاکروبوں کے مسائل کا حل اور غربت کا خاتمہ، سی ویو پر آگاہی واک

November 28, 2021

شہر کو صاف رکھنے والے خاکروبوں کو غربت اور غلاظت کے گڑھے سے آزادی دلانے کے لیے سیٹیزن گروپ کی جانب سے کراچی میں سی ویو پر آگاہی واک کا اہتمام کیا گیا۔

شرکاء نے غلاظت صاف کرنے کے لیے مشینوں سے کام لینے اور خاکروب کی کم سے کم تنخواہ قانون کے مطابق 25 ہزار روپے کرنے کا مطالبہ کیا۔

یہ نعرہ اور مطالبہ معاشرے میں سب سے زیادہ زبوں حالی کے شکار طبقے خاکروب کے لیے کیا گیا۔

صفائی کا کام کرنے والے افراد کو غربت اور غلاظت کے گڑھے سے نکالنے کے لیے سیٹیزن گروپ کی جانب سے واک کی گئی۔

سی ویو پر اس واک کا مقصد عوام اور حکومت میں خاکروبوں کے مسائل سے متعلق آگہی پھیلانا تھا جس میں بڑی تعداد میں شہریوں نے شرکت کی۔

شرکا کا کہنا تھا خاکروب بھی انسان ہے جن کی زندگی بھی ایک عام شہری کی طرح قیمتی ہے اور کم سے کم تنخواہ جو 25 ہزرا مقرر کی گئی ہے، وہ ان کو حکومت کو ادا کرنا چاہیئے۔