دبئی میں جاری انڈر 19 ایشیا کپ عالمی وباء کورونا وائرس کا شکار ہوگیا ہے۔
ایشین کرکٹ کونسل (اے سی سی)کا کہنا ہے کہ بنگلہ دیش اور سری لنکا کی انڈر 19 ٹیموں کا میچ ختم کردیا گیا ہے۔
اے سی سی کا مزید کہنا تھا کہ میچ کو دو آفیشلز کے کووڈ ٹیسٹ مثبت آنے کی وجہ سے ختم کیا گیا ہے۔
ایشین کرکٹ کونسل کا یہ بھی کہنا ہے کہ بنگلہ دیشی اننگز کے 32 اوورز بعد کووڈ کی وجہ سے میچ ختم کیا گیا،بنگلہ دیش اور سری لنکا کے درمیان جاری میچ کے 33 اوور میں کووڈ رزلٹ کی اطلاع ملی تھی۔
اس حوالے سے اے سی سی نے کہا کہ میچ سے وابستہ تمام افراد کے کووڈ ٹیسٹ ہوں گے۔