گزشتہ روز انتقال کرجانے والی مایہ ناز اداکار رشید ناز کی بہو اداکارہ مدیحہ رضوی نے سُسر کے ساتھ یادگار تصویر شیئر کردی۔
مدیحہ رضوی کی جانب سے جاری تصویر میں انہیں اپنی دونوں بیٹیوں کے ہمراہ سُسر رشید ناز کے ساتھ خوشگوار موڈ میں دیکھا جاسکتا ہے۔
اداکارہ نے اس تصویر کے ساتھ کیپشن میں لکھا کہ ’بابا، آپ ہمیشہ ہماری یادوں میں رہیں گے۔‘
خیال رہے کہ فلم و ڈرامہ انڈسٹری کے سینئر اداکار رشید ناز گزشتہ روز وفاقی دارالحکومت اسلام آباد کے اسپتال میں 73 برس کی عمر میں انتقال کر گئے۔
رشید ناز نے کئی پشتو، ہندکو اور اردو زبان کے ڈراموں میں کام کیا۔ ان کا پہلا اردو ڈرامہ ’ایک تھا گاؤں‘ تھا جو 1973 میں نشر کیا گیا۔
ان کا پہلا مقبول ڈرامہ ’ناموس‘ تھا۔ انہوں نے پاکستان کے پہلے نجی ٹیلی ویژن کے ڈرامے ’دشت‘ میں بھی کام کیا۔
رشید ناز نے کئی پشتو، ہندکو اور اردو زبان کے ڈراموں میں کام کیا۔ ان کا پہلا اردو ڈرامہ ’ایک تھا گاؤں‘ تھا جو 1973 میں نشر کیا گیا۔ ان کا پہلا مقبول ڈرامہ ’ناموس‘ تھا۔ انہوں نے پاکستان کے پہلے نجی ٹیلی ویژن کے ڈرامے ’دشت‘ میں بھی کام کیا۔