کراچی پورٹ پر ریت میں پھنسے جہاز کو نکال لیا گیا

January 21, 2022


کراچی پورٹ پر پھنسے جہاز ’’ایملی 2 ‘‘ کو ریت سے نکال لیا گیا۔

پورٹ ذرائع کے مطابق کنٹینر شپ جمعرات کو بندرگاہ کے چینل میں پھنس گیا تھا اور گزشتہ روز اس کو نکالنے کے لیے کی جانے والی پہلی کوشش ناکام ہوگئی تھی۔

ذرائع کا بتانا ہے کہ جہاز کو دوسری کوشش میں نکالنے کے بعد برتھ پر لگا دیا گیا ہے۔

واضح رہے کہ گزشتہ روز یہ خبر سامنے آئی تھی کہ کراچی پورٹ پر آنے والے کنٹینر شپ کا اسٹیئرنگ ٹوٹ گیا ہے جس کے سبب جہاز ریت میں پھنس گیا۔

کے پی ٹی ترجمان کا کہنا تھا کہ یہ لائبیریا کا جہاز’’ ایملی ٹو‘‘ ہے اور سمندر میں ہائی ٹائیڈ کے سبب 3 ٹگس جہاز کو نہ نکال سکے، رات میں جہاز کو نکالنے کی دوبارہ کوشش کی جائے گی۔