سابق شوہر کی منگیتر کو دھمکی آمیز پیغامات، کیٹی پرائس کا موبائل فون ضبط

January 26, 2022

لاس اینجلس (مانیٹرنگ ڈیسک)معروف ماڈل کیٹی پرائس کا موبائل فون پولیس حکام کی جانب سے ضبط کرلیا گیا ہے۔رپورٹس کے مطابق معروف ماڈل کیٹی پرائس نے عدالتی احکامات کے خلاف ورزی کی ہے۔ پولیس کے مطابق ماڈل نے اپنے سابق شوہر کی منگیتر کو دھمکی آمیز پیغامات بھیجے ہیں ،جس کے لئے انہیں عدالت نے منع کیا تھا۔ خیال رہے کہ کیٹی پرائس پہلے بھی ایسا کرچکی ہیں جس کے بعد ان کے سابق شوہر کیئر ہیلن کی منگیتر نے عدالت سے رجوع کیا تھا ۔عدالت نے کیٹی کو وارن کیا تھا کہ آئندہ وہ ایسی کوئی حرکت نا کریں اور مشعیل سے دور رہیں لیکن ماڈل اپنی حرکت سے بازنہ رہیں تو پولیس نے ان کا موبائل ضبط کرلیا۔ پولیس کے مطابق ماڈل کا موبائل ضبط کرنے پر وہ بری طرح رونے لگیں جبکہ یہ فون ان کے خلاف ثبوت کے طور پر عدالت میں پیش کیا جائیگا۔ماڈل کی ذہنی کیفیت پر جاری کی جانے والی رپورٹ کے مطابق کیٹی کو ذہنی سکون کی ضرورت ہے جس کے لئے انہیں ریہیبلی ٹیشن سینٹر جانے کا مشورہ دیا جارہا ہے۔