اتحادیوں کو منانے کے لیے حکومتی وفد آج چوہدری برادران کی لاہور میں واقع رہائش گاہ ملنے کے لیے روانہ ہو گیا۔
وزیرِخارجہ شاہ محمود قریشی اور وزیرِدفاع پرویز خٹک حکومتی وفد میں شامل ہیں۔
وفاقی وزراء اتحادی جماعت کو وزیرِاعظم عمران خان کا اہم پیغام پہنچائیں گے۔
روانگی کے موقع پر وزیرِخارجہ شاہ محمود قریشی نے میڈیا سے گفتگو کرتے ہوئے بتایا کہ چوہدری برادران سے یہ ملاقات اتحادیوں سے رابطوں کے تسلسل کی کڑی ہے۔
حکومتی ٹیم اسپیکر پنجاب اسمبلی چوہدری پرویز الہٰی سے ملاقات کرے گی۔
اس ملاقات میں پاکستان مسلم لیگ ق کے وفاقی وزیر طارق بشیر چیمہ بھی شریک ہوں گے۔
حکومتی کمیٹی اور چوہدری برادران سے ملاقات کے دوران اتحاد کے معاملات، وفاق اور پنجاب کے معاملات زیرِغور آئیں گے۔