وزیر مملکت برائے اطلاعات فرخ حبیب نے دعویٰ کیا ہے کہ کل وزیراعظم عمران خان پر اعتماد پلس ہوجائے گا۔
اسلام آباد کے پریڈ گراؤنڈ میں میڈیا سے گفتگو میں فرخ حبیب نے کہا کہ وزیراعظم عمران خان کا ساتھ چھوڑنے والے کی سیاست ختم ہوجائے گی۔
انہوں نے کہا کہ اپوزیشن لانگ مارچ نہیں شارٹ مارچ کررہی ہے، حزب اختلاف کے مارچ کا مقصد راستے بند کرنا ہے۔
وزیر مملکت نے مزید کہا کہ عوام چاہتے ہیں کہ ضمیر فروشوں کا راستہ روکا جائے، کل وزیراعظم عمران خان پر اعتماد پلس ہوجائے گا۔
اُن کا کہنا تھا کہ وزیراعظم عمران خان نے پاکستان کے عوام کو شعور دیا ہے، عوام اب چھانگا مانگا کی سیاست ختم کرنا چاہتے۔