پاکستان پیپلز پارٹی کی رہنما شیری رحمان کا کہنا ہے کہ عدالت نے پی ٹی آئی حکومت کے ایک اور عمل کو غیر آئینی قرار دیا۔
اپنے بیان میں شیری رحمان نے کہا کہ پیکا آرڈیننس مخالفین کو نشانا بنانے کے لیے لایا گیا تھا، پیکا آرڈیننس آئینی اور بنیادی انسانی حقوق کے خلاف ایک حکومتی ہتھکنڈا تھا۔
شیری رحمان نے کہا کہ تحریک انصاف کے دور حکومت میں میڈیا اور آزادی اظہار پر قدغنیں لگائی گئیں۔
انہوں نے کہا کہ تحریک انصاف کے تمام غیر جمہوری اور غیر قانونی اقدامات واپس ہوں گے۔
شیری رحمان نے کہا کہ انشاء اللّٰہ کل ایک بد ترین سویلین ڈکٹیٹر شپ کا اختتام ہوگا۔