عمارتوںمیں زیادہ سے زیادہ شیشہ لگانے کا رجحان عام ہوگیا ہے۔ ایسے میں عمارتوں کو جدّت فراہم کرنے کے لیے نئی ٹیکنالوجی کے ذریعے شیشے بھی پرنٹ کیے جانے لگے ہیں۔ شیشے پر ڈیجیٹل پرنٹنگ میں بالکل اسی طرح شیشے پر سیرامک فرِٹ چھپتا ہے، جس طرح ایک اِنک جیٹ پرنٹر کاغذ پر سیاہی چھپتی ہے۔ فوٹو ریئلسٹک امیج بنانے کے لیے رنگ کی ایک پتلی پرت کو چھوٹے نقطوں کی ایک سیریز میں براہ راست سبسٹریٹ مواد پر اسپرے کیا جاتا ہے۔
اس نسبتاً نئی ٹیکنالوجی میں ڈیزائنرز تمام موسموں میں استعمال ہونے والے شیشے پر جمالیاتی اور عملی کوٹنگز لگا سکتے ہیں، جو پھیکا نہیں پڑتا اور نہ ہی اسے عام شیشے کی تنصیب کے لیے ضرورت سے زیادہ کسی اضافی دیکھ بھال کی ضرورت ہوتی ہے۔ آرکیٹیکٹس اور ڈیزائنرز کے لیے اس ٹیکنالوجی کے متعارف ہونے سے عمارتوں میں پرنٹ شدہ شیشہ لگانے کی راہ ہموار ہوگئی ہے۔ کسی بھی دو جہتی تصویر کو شیشے پر پرنٹ کیا جاسکتا ہے اور مینوفیکچررز شیشے پر داغدار اثرات یا ذاتی رازداری کی رکاوٹیں پیدا کرنے کے لیے پرنٹ کے دھندلےپن کو ٹھیک کر سکتے ہیں۔
نئی ٹیکنالوجی کا استعمال عمارتوں کو بہتر اور زیادہ پائیدار کارکردگی کا مظاہرہ کرنے کے قابل بناسکتا ہے۔ روشنی کا پھیلاؤ اور ترسیل کوٹنگز کے ذریعے حاصل کی جا سکتی ہے، جس سے عمارت کی روشنی کے لیے توانائی کی طلب کو کم کیا جا سکتا ہے۔ الٹراوائلٹ مزاحم کوٹنگز، ہیٹ -سنک کوٹنگز اور مختلف رنگوں کا درجہ حرارت اور دھندلاپن بھی غیر فعال طور پر ٹھنڈی یا گرم عمارتوں کی توانائی کے اخراجات کو مزید کم کر سکتے ہیں۔
ڈیجیٹل پرنٹ شدہ شیشہ عمارتوں کو اسے زیادہ محفوظ طریقے سے استعمال کرنے میں بھی مدد کرتا ہے۔ مثال کے طور پر، فرش کی سطحوں اور سیڑھیوں پر پھسلنے کے حوالے سے کوٹنگ کی جا سکتی ہے اور کھڑکیوں پر بصری انتباہات کی کوٹنگ کے ذریعے پرندوں کو اس طرف آنے سے روکا جا سکتا ہے۔
مالمو، سویڈن میں FOJAB آرکیٹیکٹس کا ڈیزائن کردہ پارکنگ ہاؤس ہیلی، ڈیجیٹل پرنٹ شدہ شیشے کے بہت سے ممکنہ فوائد سے فائدہ اٹھاتا ہے۔ یہ عمارت پرندوں سے محفوظ ہے اور اس کے سامنے والے حصے میں شیشے کے پینلز پر مختلف پرنٹس اور دھندلاپن بھی شامل ہے۔ یہ پینلز مختلف زاویوں پر سیٹ کیے گئے ہیں اور شیشے پر مبنی عمارت کے چہرے کے جمالیاتی اثر اور کارکردگی کو زیادہ سے زیادہ نمایاں کرنے کے لیے پرنٹ کیے گئے ہیں۔
شیشے پر پرنٹنگ کے چیلنجز
حال ہی میں ٹیکنالوجی کافی پختہ ہوئی ہے کہ شیشے پر اس قسم کی پرنٹنگ کی جاسکے۔ چونکہ شیشہ غیر محفوظ، غیر جاذب اور شفاف ہوتا ہے (کاغذ یا کپڑے کے برعکس)، اِنک جیٹ جیسی ڈیجیٹل پرنٹنگ ٹیکنالوجیز کا اطلاق کرنا ایک چیلنج بنا ہوا ہے۔ سلک اسکرین پرنٹنگ اور ڈیجیٹل الٹرا وائلٹ پرنٹنگ، وہ دو اہم ٹیکنالوجیز تھیں جو 2000ء کی دہائی تک شیشے پر ڈیجیٹل پرنٹنگ کے لیے استعمال ہوتی رہیں۔
سلک اسکرین پرنٹنگ سیاہی کو براہ راست میش اسٹینسل کے ذریعے سطح کے مواد پر ڈالتی ہے یا اسکرین پرنٹڈمنتقلی کی صورت میں کسی دوسرے مواد سے سیاہی کو سطح پر منتقل کرتی ہے۔ اس ٹیکنالوجی کے لیے بہت سی فیبرک اور ٹیکسٹائل ایپلی کیشنز موجود ہیں، جہاں دیرپا منتقلی ممکن ہے۔ شیشے کی اسکرین پرنٹس اور منتقلی کی صورت میں، سیاہی کو مستقل طور پر فیوز کرنے کے لیے شیشے کی سطح کو نکالنا پڑتا ہے۔
یہ شیشے کو کمزور کر دیتا ہے، جس کی وجہ سے یہ طریقہ بیرونی سطح یا بڑے پینلز کے لیے مہنگا ہو جاتا ہے۔ متعدد رنگوں کے ساتھ تصاویر پرنٹ کرنا بھی مہنگا اور وقت طلب ہے کیونکہ اس میں ہر رنگ کے لیے مختلف کوٹنگز اور ممکنہ طور پر ہر کوٹنگ کے لیے ایک الگ اسکرین کی ضرورت ہوتی ہے۔
الٹرا وائلٹ پرنٹنگ میں، سیاہی کو شیشے کی سطح پر لگایا جاتا ہے اور پھر اسے خشک کرنے اور شیشے کے ساتھ جوڑنے کے لیے الٹرا وائلٹ شعاعوں کا سہارا لیا جاتا ہے۔ یہ طریقہ کثیر رنگوں اور پیچیدہ تصاویر کو پہلی بار شیشے پر ڈیجیٹل طور پر پرنٹ کرنے کے قابل بناتا ہے، مگر پھر بھی اس میں خامیاں رہ جاتی تھیں۔
الٹراوائلٹ سیاہی براہ راست شیشے میں ضم نہیں ہوتی اور یہ پرنٹنگ کے پورے عمل میں سخت رہتی ہے۔ نتیجے کے طور پر، الٹراوائلٹ پرنٹ شدہ شیشے کا وقت کے ساتھ پھیکا پڑجانے کا امکان ہوتا ہے، خاص طور پرجب اسے عمارتوں کی بیرونی سطح پر استعمال کیا جائے۔
سیرامک سیاہی سے ڈیجیٹل گلاس پرنٹنگ
2000ء کی دہائی میں سیرامک فرِٹ کو سیاہی کے طور پر استعمال کرتے ہوئے ایک نیا طریقہ ایجاد کیا گیا تھا، جو کہ اِنک جیٹ پرنٹر کےاسپرے نوزلز کی سیریز کی طرح ہے۔ یہ شیشے پر پرنٹنگ کے لیے بہت سے تاریخی چیلنجوں کو حل کرتا ہے اور فن تعمیر میں پرنٹ شدہ شیشے کو مختلف چیزوں کے استعمال کے قابل بناتا ہے۔ اسکرین پرنٹنگ کی طرح، شیشے کی سطح کو خاص درجہ حرارت دینی ہوتی ہے تاکہ سیرامک سیاہی شیشے کے ساتھ فیوز ہوسکے۔
زیادہ درجہ حرارت کی وجہ سے سیاہی میں نامیاتی مرکب اور بائنڈر تیزی سے گل جاتے ہیں کیونکہ یہ شیشے کی سطح اور غیر نامیاتی پگمنٹس اور اضافی اشیا کے ساتھ مل جاتے ہیں۔ اس کے بعد، شیشے کو ہموار کیا جانا چاہیے تاکہ تمام خالی جگہوں اور خرابی کو ختم کرتے ہوئے شیشے کی مضبوط ساخت کو یقینی بنایا جائے۔ آخر میں، کسی بھی سرفیس فنشس کو اس پر لگایا جائے تاکہ مکمل طور پر بلبلے سے پاک، ہموار اور عین پرنٹ شدہ شیشے کی مصنوعات حاصل ہوں۔
ڈیجیٹل گلاس پرنٹرز بڑی فلیٹ بیڈ مشینیں ہوتی ہیں، جن کے پرنٹ ہیڈز پرنٹنگ کی سطح پر گینٹریز پر رکھے گئے ہیں۔ پرنٹ ہیڈ، سیرامک فرِٹ اور کسی بھی اضافی شے کو براہ راست شیشے پرڈالا جاتا ہے۔ جیسے ہی سیرامک فرِٹ شیشے پر گرتا ہے تو پرنٹ ہیڈ اسے فوری طور پر خشک اور اس کی جگہ پربٹھا دیتا ہے۔ اس کا مطلب یہ ہے کہ شیشے میں ایک ہی وقت میں متعدد رنگوں اور تہوں کو پرنٹ کیا جا سکتا ہے۔