سابق صدر آصف زرداری کی بڑی بیٹی بختاور بھٹو اپنے بھائی اور چیئرمین پی پی بلاول بھٹو کو وزیر خارجہ کے طور پر دیکھنے کے لیے پرجوش ہیں۔
سوشل میڈیا پر جاری کیے گئے پیغام میں بختاور بھٹو نے کہا کہ آج بلاول بھٹو زرداری اس متحدہ حکومت میں پاکستان کے وزیر خارجہ کے طور پر حلف اٹھائیں گے جس کا فیصلہ پیپلز پارٹی نے کیا۔
بختاور بھٹو نے کہا کہ ہمیں بلاول بھٹو پر بہت زیادہ فخر ہے، وہ پارلیمنٹ میں پہلے ہی آگے بڑھ چکے ہیں اور ہمیشہ اپنی جمہوری اقدار پر قائم ہیں۔
واضح رہے کہ پاکستان پیپلز پارٹی (پی پی پی) کی سینٹرل ایگزیکٹو کمیٹی (سی ای سی) نے چیئرمین بلاول بھٹو زرداری کے وزیر خارجہ بننے کی منظوری دے دی۔
ذرائع کے مطابق سی ای سی سے منظوری کے بعد بلاول بھٹو زرداری آج ڈھائی بجے شہباز شریف کی کابینہ میں بطور وزیر خارجہ شمولیت کا حلف اٹھائیں گے۔