کھارادر کے علاقے کھڈا مارکیٹ کے قریب فائرنگ سے سیاسی کارکن جاں بحق ہوگیا۔
ریسکیو ذرائع کے مطابق متوفی 45 سالہ دانش قریشی کو علاج کے لیے قریبی اسپتال پہنچایا گیا تاہم وہ جانبر نہ ہوسکا۔
متوفی دانش قریشی تعمیرات کے شعبے سے وابستہ تھا، قتل کا واقعہ ٹارگٹ کلنگ کا نتیجہ ہے۔
ذرائع کے مطابق موٹر سائیکل سوار ملزمان نے فائرنگ کی، واقعہ مچھی میانی مارکیٹ کے قریب پیش آیا۔
ذرائع کے مطابق دانش قریشی کا تعلق پاکستان پیپلز پارٹی سے تھا اور وہ سابق رکن قومی اسمبلی نبیل گبول کا ساتھی تھا۔