اسلام آباد(اے پی پی) وفاقی وزیر برائے منصوبہ بندی ترقی واصلاحات وخصوصی اقدامات احسن اقبال نے کہا ہے کہ عمران نیازی نے پاکستان کی معیشت اس حال میں چھوڑی ہے کہ پہلے 900 بلین کے ترقیاتی بجٹ کو کٹوتی کر کے500بلین روپے پہ لایا اور اب وزارت خزانہ نے کہا ہے کہ خزانہ خالی ہونے کی وجہ سے چوتھی سہ ماہی میں فنڈز جاری نہیں ہوں گے۔ گزشتہ روز اپنے ٹویٹ میں انہوں نے کہاکہ 75سال میں پہلی بار ایسا ہوا ہے،سقوط مشرقی پاکستان اور ایٹمی دھماکوں کے باعث پابندیوں میں بھی ایسانہیں ہوا تھا۔