دل میں سوراخ کے مرض میں مبتلا 9 افغان بچے الخدمت فاؤنڈیشن کے حوالے

June 17, 2022

دل کے سوراخ والے بچوں کے علاج کے لیے افغان ہلال احمر اور الخدمت فاؤنڈیشن کے درمیان معاہدہ ہوا تھا۔

افغان ہلال احمر کی جانب سے دل کے مرض میں مبتلا افغان بچوں کو علاج کے لیے پاکستان بھیجنے کا سلسلہ شروع کیا گیا ہے۔

اس حوالے سے وزارت اطلاعات امارت اسلامی افغانستان کے مطابق افغان ہلال احمر کے نائب سیکریٹری جنرل خالد احمد حامد نے طورخم بارڈر پر ایسے 9 مریض بچوں کو پاکستانی رفاہی ادارے الخدمت فاؤنڈیشن کے حوالے کیا۔

افغان ہلال احمر کے مطابق یہ اس سلسلے کا پہلا اقدام ہے۔

افغان ہلال احمر اب تک 13000 بچوں کا مفت علاج کروا چکا ہے۔

دل میں سوراخ والے بچوں کے علاج کے لیے افغان ہلال احمر اور الخدمت فاؤنڈیشن کے درمیان معاہدہ ہوا تھا۔

معاہدے کے تحت پاکستان میں جدید مشینوں اور سہولتوں والے اسپتالوں میں ان مریضوں کا علاج کیا جائے گا۔ افغانستان میں پیدائشی طور پر ایسے مریض بچوں کی تعداد زیادہ ہے۔

افغان ہلال احمر اب تک 13000 بچوں کا مفت علاج کروا چکا ہے۔ جبکہ مزید 7000 ایسے بچوں کے نام رجسٹرڈ ہیں جو علاج کے منتظر ہیں۔