بالی ووڈ کے اداکار عامر خان صرف اپنی بہترین اداکاری کی وجہ سے نہیں بلکہ سخاوت کی وجہ سے بھی مشہور ہیں۔
مسٹر پرفیکشنسٹ نے حال ہی میں بھارتی صوبے آسام میں آنے والے سیلاب کے متاثرین کی مدد کے لیے 25 لاکھ روپے عطیہ کیے ہیں۔
عطیے کی یہ رقم عامر خان نے آسام کے وزیراعلیٰ کی طرف سے قائم کیے گئے ریلیف فنڈ میں جمع کروائی ہے۔
وزیراعلیٰ ہیمانتا شرما نے عامر خان کا شکریہ ادا کیا، انہوں نے اپنی ٹوئٹ میں کہا کہ بالی ووڈ اداکار عامر خان نے ریلیف فنڈ میں سیلاب متاثرین کے لیے 25 لاکھ روپے جمع کروائے ہیں۔
فلمی دنیا میں عامر خان اپنی نئی فلم لال سنگھ چڈھا میں نظر آئیں گے۔ اس فلم میں ان کے ساتھ کرینہ کپور، مونا سنگھ اور ناگا چیتانیا بھی شامل ہیں۔
لال سنگھ چڈھا ہالی ووڈ فلم ’’فاریسٹ گمپ‘‘ سے ماخوذ ہے، یہ فلم رواں سال 11 اگست کو ریلیز کی جائے گی۔