لوٹن (نمائندہ جنگ) لوٹن کے طلبہ تھیٹر کے ذریعے چاقو کے خطرات سیکھ رہے ہیں، لوٹن کونسل کے مطابق لوٹن کے پرائمری اور سیکنڈری اسکولز میں طلباء کیلئے تھیٹر پرفارمنس کا مقصد چاقو کے جرائم اور غیر سماجی رویئے کے بارے میں بیداری پیدا کرنا ہے۔ جولائی میں لوٹن کونسل کی کمیونٹی سیفٹی پارٹنرشپ کی سنگین تشدد کی حکمت عملی کے ایک حصے کے طور پر لوٹن کونسل کے ساتھ مل کر Flavasum Trust سال 5 اور 6 کے پرائمری طلبہ اور سال 8اور 9میں سیکنڈری طلبہ کیلئے دو دلکش اور طاقتور تھیٹر پروڈکشنز لا رہا ہے۔ امنڈا لیوس، کارپوریٹ ڈائریکٹر آف چلڈرن، فیملیز اینڈ ایجوکیشن نے کہا ہے کہ لوٹن میں بچوں اور نوجوانوں کی حفاظت اور بہبود ہمارے لیے اولین ترجیح ہے۔ ہم اپنے شراکت داروں بشمول بیڈز پولیس اور نوجوانوں کی تنظیموں کے ساتھ مل کر کام کرتے ہیں تاکہ نوجوانوں تک مؤثر طریقے سے پہنچ سکیں۔’’ یہ کوئی مذاق نہیں ہے‘‘ جیسے ڈرامے بچوں کے ساتھ جلد مشغول ہونے اور انہیں چاقو کے جرم کے نتیجے میں ہونے والے نتائج اور تباہی کو دکھانے کا ایک مؤثر طریقہ ہیں 2020میں COVID کی مختصر پرفارمنس میں کمی کے بعد 4اور 19جولائی کے درمیان 13 پرائمری اسکولوں میں 1560طلبہ کے لیے ʼیہ کوئی مذاق نہیں ہے اور ’’بوائے ایکس 2022‘‘ 7سیکنڈری اسکولوں میں 1680طلبہ کے لیے پرفارم کیا جائے گا۔ پیٹر سنکلیئر، چیئر آف ٹرسٹیز فلاواسم ٹرسٹ نے کہا ہے کہ چاقو کا جرم زندگیوں، خاندانوں اور کمیونٹیز کو تباہ کر دیتا ہے، اس کا مقابلہ کرنے کا ایک بہترین طریقہ یہ ہے کہ نوجوانوں کو چاقو اٹھانے کے خطرات سے خبردار کیا جائے جب وہ ابھی اسکول میں ہوں اور تھیٹر اس پیغام کو پہنچانے کا ایک بہت مؤثر طریقہ ہے۔ کونسل کی ایک تحقیق سے پتہ چلا ہے کہ ان ڈراموں نے اپنے اور اپنے ساتھیوں کے لیے محفوظ راستوں پر بات چیت کرنے کے لیے طلباء کے اعتماد میں اضافہ کیا جو خاندانوں اور مقامی کمیونٹیز کو محفوظ بنا سکتے ہیں۔بوائے ایکس 2022پرفارمنس، ویڈیو اور ملٹی میڈیا کا استعمال کرتے ہوئے بڑی عمر کے طالب علموں کے لیے چاقو، گینگ، غنڈہ گردی، استحصال اور کاؤنٹی لائنوں پر توجہ مرکوز کرنے کیلئے ایک انتہائی انٹرایکٹو پلے ہے۔ اس کے علاوہ طلبہ جو کچھ سیکھتے ہیں اس کو تقویت دینے کے لیے 7 دن کی ورکشاپس ناتھن لیوی فراہم کریں گی جو کئی سال سے لوٹن کے سیکنڈری اسکولوں میں کام کر رہے ہیں۔ لوٹن میں ان پرفارمنس کی ڈیلیوری بیڈ فورڈ شائر اینڈ لیوٹن کمیونٹی فاؤنڈیشن کی جانب سے کی جاتی ہے، لوٹن یوتھ فنڈ، لوٹن یوتھ آفنڈنگ اینڈ ٹارگٹڈ یوتھ سروس، بیہیویئر اینڈ انکلوژن سپورٹ سروس اور فلاواسم ٹرسٹ کی جانب سے فنڈ فراہم کئے جاتے ہیں۔