پاکستان کے نوجوان کوہ پیما شہروز کاشف کا گزشتہ روز نانگا پربت سر کرنے کے بعد واپسی پر والدین سے رابطہ منقطع ہوگیا ہے۔
کوہ پیما شہروز کاشف کے والد کا کہنا ہے کہ بیٹے سے ٹریکر کے ذریعے رابطہ ہوا، اس کے بعد انہوں نے ایس او ایس کال دی۔
انہوں نے مطالبہ کیا ہے کہ بیٹے کی واپسی کیلئے جلد ریسکیو آپریشن شروع کیا جائے۔
کوہ پیما شہروز کاشف نے منگل کی صبح نانگا پربت چوٹی سر کی تھی جبکہ موسم کی خرابی کے دوران وہ اپنے ساتھی کے ہمراہ واپس آرہے تھے۔
دوسری جانب براؤٹ پیک سر کرنیوالے شریف سدپارہ بھی انتہائی بلندی سے گر کر لاپتہ ہوگئے ہیں، ان کے اہل خانہ نے ہیلی کاپٹر کے ذریعے سرچ آپریشن کا مطالبہ کیا ہے۔