کراچی میں آج معتدل بارش کا امکان

August 15, 2022

—فائل فوٹو

ملک کے سب سے بڑے شہر کراچی میں 24 گھنٹوں کے دوران مطلع جزوی ابر آلود رہنے اور وقفے وقفے سے ہلکی سے معتدل بارش کا امکان ہے۔

محکمۂ موسمیات کے مطابق کراچی میں کم سے کم درجہ حرارت 27 ڈگری سینٹی گریڈ اور زیادہ سے زیادہ درجہ حرارت 30 سے 32 ڈگری سینٹی گریڈ تک بڑھنے کا امکان ہے۔

محکمۂ موسمیات کا کہنا ہے کہ شہر میں شمال مشرق سے چلنے والی ہواؤں کی رفتار 14 کلو میٹر فی گھنٹہ ہے، جس میں نمی کا تناسب 84 فیصد ہے۔

دوسری جانب ملیر ندی میں طغیانی کی وجہ سے کورنگی کاز وے دوسرے روز بھی زیرِ آب آگئی اور روڈ کو ٹریفک کے لیے بند کر دیا گیا۔

ذرائع کا کہنا ہے کہ کاز وے بند ہونے کے باوجود کچھ شہریوں نے پیدل پانی سے گزرنے کی کوشش ہے۔

کاز وے پر سفر کے دوران پانی میں بہہ جانے والی کچھ موٹر سائیکلوں کو نکال لیا گیا ہے۔

واضح رہے کہ کراچی کے مختلف علاقوں میں اتوار کو بھی بارش کا سلسلہ جاری رہا جبکہ کچھ علاقوں میں رات گئے بھی بارش ہوئی۔