محکمۂ جنگلی حیات سندھ کی ایک ٹیم نے سکھر میں روہڑی بائی پاس پر کارروائی کرتے ہوئے 12 کالے تیتر برآمد کر لیے جو سکھر کے نواحی علاقے سے پکڑ کر شہروں میں مہنگے داموں فروخت کیے جاتے ہیں۔
ڈپٹی کنزرویٹر محکمۂ جنگلی حیات سندھ عدنان حامد خان کے مطابق ان 12 کالے تیتروں کی مالیت 8 لاکھ روپے ہے۔
برآمدگی کے وقت ان تیتروں کو مسافر بس میں سندھ سے غیر قانونی طور پر پنجاب لے جایا جا رہا تھا۔
عدنان حامد خان کے مطابق پرندوں کی ایک سے دوسری جگہ منتقلی کا ٹرانزٹ پاس بھی موجود نہیں تھا۔
ڈپٹی کنزرویٹر محکمۂ جنگلی حیات سندھ نے یہ بھی بتایا کہ کارروائی کے بعد کالے تیتروں کو ان کے قدرتی مسکن صوفی انور پارک میں آزاد کر دیا گیا ہے۔