سرکاری کتب خانوں سے عوام معیاری اور مہنگی کتب کا مطالعہ باآسانی کرسکتے ہیں، بدقسمتی سے پاکستان میں جہاں مطالعے کا رجحان انحطاط پذیر ہوا وہیں کتب خانے بھی عنقا ہوتے گئے۔
جرمن شماریات ڈیٹابیس کے مطابق 2019 تک جرمنی میں 9 ہزار سے زائد سرکاری کتب خانے تھے۔
اگر نجی لائبریریز کو بھی ملا لیا جائے تو جرمنی میں کتب خانوں کی کل تعداد 14 ہزار 300 ہے۔
سب سے بڑا کتابوں کا مجموعہ جرمن نیشنل لائبریری میں ہے جو لیپزیگ اور فرینکفرٹ میں واقع ہے۔
اس لائبریری میں 4 کروڑ 14 لاکھ کتابیں، رسالے، جریدے اور اخبارات موجود ہیں۔
منزلوں کے کُل رقبے کے لحاظ سے سب سے بڑی لائبریری برلن اسٹیٹ لائبریری ہے جس میں ایک لاکھ 62 ہزار اسکوائر میٹر جگہ ہے۔
جرمنی کی دیگر قابل ذکر لائبریریز میں وبلنگن موناسٹری لائبریری، اسٹٹ گارڈ سٹی لائبریری اور باوارین اسٹیٹ لائبریری شامل ہیں۔