سیلاب سے متاثرہ علاقوں میں تعلیم فراہم کرنے کے لیے سندھ بھر کے مختلف علاقوں میں قائم کیے گئے عارضی تعلیمی مراکز کی نگرانی کے لیے ایڈیشنل سیکریٹری (اکیڈمک اینڈ ٹریننگ)کی سربراہی میں کنٹرول روم قائم کردیا گیا ہے۔
آر ایس یو کے لقمان کنٹرول روم کے انچارج ہوں گے۔ جس کا باقاعدہ نوٹیفکیشن جاری کردیا گیا ہے۔ جس کے مطابق کراچی ریجنل کی کوآرڈینیٹر ہیڈ مسٹریس شازیہ اور ہیڈ ماسٹر سید محمد طارق ہوں گے۔
ریجنل کوآرڈینیٹر میرپورخاص ہیڈ ماسٹر پرویز اختر کلہوڑو، حیدرآباد کے لیے ہیڈ ماسٹر جوزف نذیر، کوآرڈینیٹر سکھر ہیڈ ماسٹر ندیم حافظ اور کوآرڈینیٹر شہید بینظیر آباد ہیڈ ماسٹر سید طارق علی ہوں گے۔
ہر علاقائی کوآرڈینیٹر اپنے متعلقہ DSE (پرائمری/ES&HS) کے ساتھ روزانہ کی بنیاد پر رابطہ کرے گا۔ انچارج کنٹرول روم تمام چھ علاقوں کے حوالے سے جامع رپورٹ جمع کرائے گا۔
عارضی تعلیمی مراکز کے قیام یا کام کے سلسلے میں کسی بھی علاقے میں درپیش کسی بھی مسئلے کی اطلاع انچارج کنٹرول روم کے ذریعے چیئر کو بروقت اس کے حل کے لیے دی جائے گی۔