بلڈنگ انفارمیشن ماڈلنگ (BIM) عمارتوں کے ڈیزائن، منصوبہ بندی اور تعمیر میں سہولت فراہم کرنے کے لیے ایک اہم عمل ہے۔ یہ ایک موثر اور باہمی تعاون پر مبنی عمل ہے جسے اکثر انجینئرز، آرکیٹیکٹس، رئیل اسٹیٹ ڈویلپرز، مینوفیکچررز اور دیگر پیشہ ور ٹھیکیدار ایک ہی 3D ماڈل میں عمارتوں اور ان کے ڈھانچوں کی منصوبہ بندی اور ڈیزائن کے لیے استعمال کرتے ہیں۔
BIM کیا ہے؟
بلڈنگ انفارمیشن ماڈلز کو CAD ڈرائنگز کے طور پر بیان کیا جا سکتا ہے جو کہ الیکٹریکل، میکینکل، انفرااسٹرکچر، پلمبنگ اور آرکیٹیکچرل عناصر کے ساتھ ساتھ عمارت کا مکمل ماڈل بنانے والی بہت سی دوسری تہوں پر مشتمل ہوتی ہیں۔ انجینئرز، آرکیٹیکٹس یا سہولت کار منیجرز کے ساتھ ساتھ دیگر پیشہ ور افراد یہ سمجھنے کے لیے ان تہوں کو دیکھ سکتے ہیں کہ ہر حصہ عمارت کی دوسری تہوں یا اجزاء کے ساتھ کیسے کام کرتا ہے۔
بلڈنگ انفارمیشن ماڈلنگ کو اگر ڈیٹا فراہم نہ کیا جائے تو وہ اتنی موثر نہیں ہوتی۔ ہر تہہ اور سسٹم کے لیے، ہر تہہ کے بارے میں اور یہ کیسے کام کرتی ہے، نیز عمارت کے ماڈل کی دوسری تہوں یا اجزاء کے حوالے سے بہت زیادہ ڈیٹا موجود ہے۔ اس سے سہولت کار منیجرز کو عمارت کے ماڈل میں ہر تہہ کے اہم کردار کو سمجھنے میں مدد ملتی ہے۔
مجموعی طور پر، یہ تہیں عمارت کی ایک طاقتور ڈیجیٹل ریپلیکا کی نمائندگی کرتی ہیں۔ اس ڈیجیٹل ریپلیکا کو مختلف مقاصد کے لیے استعمال کیا جا سکتا ہے جیسے کہ عمارت کے کاموں کے لیے ضروری احتیاطی دیکھ بھال یا بجٹ سازی، نیز عمارت کی سہولت کی منصوبہ بندی اور انتظام۔
منصوبہ بندی میں اطلاق
بلڈنگ انفارمیشن ماڈلنگ سافٹ ویئر کو اکثر لوگ AutoCAD کے ساتھ الجھا دیتے ہیں کیونکہ BIM کی بنیاد ایک جامع CAD ماڈل ہے۔ CAD ڈیزائن پروگراموں کو BIM سافٹ ویئر کے ساتھ استعمال کرنے کے باوجود، دونوں کے درمیان اب بھی ایک فرق موجود ہے، جو BIM کی فطری صلاحیتیں ہیں۔ BIM عمارتوں اور ڈھانچے کے اہم پہلوؤں پر ذہین بصیرت کا اطلاق کرتا ہے، جبکہ CAD صرف اس جگہ کی ترتیب دکھا سکتا ہے، جسے دوبارہ بنایا جانا ہے۔ BIM آپ کو بوجھ برداشت کرنے والی دیواروں، بجلی کے نظام کی تبدیلی یا HVAC ڈکٹوں کو خلا میں ڈالنے کے لیے ضروری مواد کے بارے میں بھی بتائے گا۔ سادہ الفاظ میں، CAD کو جامد اور BIM کو متحرک کے طور پر بیان کیا جا سکتا ہے، یعنی بصیرت کے ساتھ جو CAD ڈیزائنز میں کی جانے والی تبدیلیوں کو متاثر کر سکتی ہے۔
معلومات کا اشتراک
BIM ماڈل میں معلومات کو آن لائن باہمی طور پر قابل رسائی جگہ کے ذریعے شیئر کیا جاتا ہے، جسے کامن ڈیٹا انوائرمنٹ (CDE) کہا جاتا ہے۔ جمع کردہ ڈیٹا کو انفارمیشن ماڈل بھی کہا جاتا ہے، جو عمارت کی زندگی کے کسی بھی مرحلے پر اس کے آغاز سے لے کر عمارت کے کام کے ساتھ ساتھ تزئین و آرائش تک استعمال کیا جا سکتا ہے۔
استعمال کے فوائد
BIM کا استعمال عمارتوں کی بہتر منصوبہ بندی اور ڈیزائننگ کے قابل بناتا ہے۔ اس کے ذریعے بنیاد کھودنے سے پہلے عمارت کے تمام اجزاء جیسے میکینکل اور برقی نظام کو اسکرین پر دیکھا جاسکتا ہے۔ یہ دستیاب معلومات دلچسپی رکھنے والے اہلکاروں جیسے انجینئرز، آرکیٹیکٹس، اور سہولت کار منیجرز کو بہتر منصوبہ بندی اور ڈیزائن بنانے کے ساتھ ساتھ مزید جگہ اور وسائل کو موثر طریقے سے استعمال کرنے کی اجازت دیتی ہیں۔
ڈیزائن میں آسان تبدیلیاں مشترکہ یوزرز کو ماڈل میں تبدیلیاں کرنے کی اجازت دیتی ہیں۔ یہ تبدیلیاں ریئل ٹائم میں اَپ ڈیٹ ہوتی ہیں اور ہر اس شخص کے لیے دستیاب ہوتی ہیں جو مختلف آلات سے ماڈل تک رسائی رکھتا ہے۔ اس سے باہمی تعاون کے ساتھ ورک فلو کی اجازت ہوتی ہے۔ 3D ماڈل دیکھنے سے صارفین کو 2D بلیو پرنٹ دیکھنے کے مقابلے میں بہت زیادہ معلومات ملتی ہیں۔ بلڈنگ انفارمیشن ماڈلنگ کی مدد سے سائٹ پر کام کم ہوتا ہے۔ یہ بالآخر مواد، مزدوری اور دوبارہ کام کرنے سے متعلق اخراجات کو بچاتا ہے۔
پری فیبریکیشن
بلڈنگ انفارمیشن ماڈلنگ پروجیکٹ کو دیکھنے کی اجازت دیتا ہے، جو آسان اور درست پری فیبریکیشن کے کام کے لیے زیادہ وقت فراہم کرتا ہے۔ مینوفیکچرنگ ماحول میں بہتر پیداواری صلاحیت کے نتیجے میں وقت اور پیسے کی بچت ہوتی ہے، جو آف سائٹ پر ہوتا ہے۔
BIM کے نقصانات
BIM سافٹ ویئر جو کہ تعمیر کے ابتدائی ماڈل کو انجام دینے کے لیے ہوتا ہے، اس کے لیے سافٹ ویئر میں ابتدائی سرمایہ کاری کی ایک بڑی رقم درکار ہوگی جو صرف بڑے پروسیسر والے طاقتور کمپیوٹرز پر چلائے جا سکتے ہیں تاکہ ڈیٹا کی بڑی مقدار پر کارروائی کی جا سکے۔ سافٹ ویئر میں ابتدائی سرمایہ کاری کے علاوہ، عملے کو اس عمل کے دوران وسیع تربیت اور تعلیم کی بھی ضرورت ہوگی۔ تربیت یافتہ افراد کو یہ سمجھنے کی ضرورت ہوگی کہ BIM سافٹ ویئر ان کے لیے منصوبہ بندی، ڈیزائن یا احتیاطی دیکھ بھال وغیرہ کا شیڈول کیسے کام کرتا ہے۔ BIM پروجیکٹ کی کامیابی کے لیے اعتماد اور مناسب تعاون بہت ضروری ہے۔
مستقبل
واضح طور پر، BIM کے بہت سے فوائد کی وجہ سے، یہ واضح ہے کہ یہ صنعت میں موجود رہنے کے لیے ہے۔ اس میں کوئی شک نہیں کہ تعمیر کا مستقبل زیادہ باہمی تعاون کے ساتھ ساتھ ڈیجیٹل بھی ہوگا۔ BIM تیزی سے زیادہ نفیس لیکن استعمال اور سمجھنے میں آسان تر ہوتا جائے گا۔ مزید برآں، یہ واضح ہے کہ دنیا بھر میں کسی بھی قسم کی تعمیر کے دوران کسی علاقے یا سپلائی چین کی نااہلیت کے نتیجے میں پیدا ہونے والے فضلے کی مقدار کو کم کرنے کی ضرورت ہے۔ BIM کے ساتھ مل کر کام کرنے سے غلطیوں کے ہونے کے امکانات بہت حد تک کم ہو جاتے ہیں، جو اخراجات کے ساتھ ساتھ انسانی جانوں کو بھی بچا سکتے ہیں۔