انٹر بینک، ڈالر 50 پیسے مہنگا

November 24, 2022

کراچی ( اسٹاف رپورٹر) روپے کے مقابلے پر انٹر بینک میں ڈالر کی قیمت میں مزید 50پیسے کا اضافہ،اوپن مارکیٹ میں قیمت مستحکم رہی ،یورو کی قیمت 2روپے تک بڑھ گئی ،پاؤنڈ بھی 2 روپے مہنگا ہو گیا ، بدھ کو روپے کے مقابلے پر انٹر بینک میں ڈالر کی قیمت خرید 50پیسے کے اضافے سے 223.50 روپے سے بڑھ کر 224.00 روپے اور قیمت فروخت 223.75 روپے سے بڑھ کر 224.25 روپے ہو گئی ،تاہم اوپن مارکیٹ میں ڈالر کی قیمت خرید 228.75 روپے اور قیمت فروخت 231.00 روپے پر مستحکم رہی ، یورو کی قیمت خرید 2 روپے کے اضافے سے 242.50 روپے سے بڑھ کر 244.50 روپے اور قیمت فروخت 1.95 روپے کے اضافے سے 245.00 روپے سے بڑھ کر 246.95 روپے ہو گئی ہے ،جبکہ 2 روپے کے اضافے سے برطانوی پاؤنڈ کی قیمت خرید 280.00روپے سے بڑھ کر 282.00 روپے اور قیمت فروخت 282.80 روپے سے بڑھ کر 284.80روپے ہو گئی۔