امریکہ میں فائرنگ سے ہلاکتوں کی شرح میں ریکارڈ اضافہ

December 05, 2022

واشنگٹن ( نیوز ڈیسک)امریکہ میں اسلحے سے فائرنگ کے نتیجے میں ہلاکتوں کی شرح میں ریکارڈ اضافہ ہوا ہے۔یہ بات ایک تحقیق میں سامنے آئی۔ تحقیق میں بتایا گیا کہ 2021 میں 48 ہزار سے زیادہ افراد کی ہلاکت کی وجہ خودکار اسلحہ بنا، یہ تعداد 2019 کے مقابلے میں 25 فیصد زیادہ ہے۔درحقیقت ہلاکتوں کی شرح 28 سال کی بلند ترین شرح پر پہنچ گئی ہے۔تحقیق میں مزید بتایا کہ گزشتہ 3 دہائیوں کے دوران اسلحے سے 10 لاکھ سے زیادہ افراد کو قتل کیا گیا۔محققین نے بتایا کہ اتنی بڑی تعداد میں لوگوں کی ہلاکت ہلا کر رکھ دیتی ہے۔تحقیق میں دریافت کیا گیا کہ فائرنگ سے سیاہ فام نوجوانوں کی ہلاکت کا امکان دیگر گروپس کے مقابلے میں زیادہ ہوتا ہے۔محققین کے مطابق اوسطاً ہر ایک لاکھ میں سے 141 ہلاکتیں سیاہ فام نوجوانوں کی ہوتی ہیں۔انہوں نے زور دیا کہ ان ہلاکتوں کی روک تھام ممکن ہے اور تحقیق کے نتائج سے امریکہ میں بہت بڑے مسئلے کی نشاندہی ہوتی ہے۔تحقیق میں دریافت کیا گیا کہ کورونا وائرس کی وبا کے دوران اسلحے کے استعمال سے ہونےو الی ہلاکتوں کی شرح 2014 کے مقابلے میں دوگنا زیادہ بڑھ گئی۔