وزیرِ اعلیٰ پنجاب چوہدری پرویز الہٰی سے اسپیشل مصور عمر جرال نے ملاقات کی۔
ملاقات میں عمر جرال نے وزیرِ اعلیٰ چوہدری پرویز الہٰی کو پوسٹر پینٹنگ پیش کی۔
اس موقع پر چوہدری پرویز الہٰی نے عمر جرال کے فن پاروں کی نمائش کرانے کا اعلان کیا۔
وزیرِ اعلیٰ پنجاب کا کہنا ہے کہ عمر جرال بہت خاص ہیں، مل کر خوشی ہوئی، ان کا فن اور ان کا جذبہ قابل تحسین ہے۔
چوہدری پرویز الہٰی نے کہا کہ اسپیشل مصور عمر جرال کی مالی معاونت بھی کی جائے گی۔