دنیا کے سب سے معروف سرچ انجن گوگل نے رواں سال پاکستان میں سب سے زیادہ سرچ کیے گئے مواد کی فہرست جاری کردی ہے۔
گوگل کی جانب سےجاری کردہ رپورٹ کے مطابق پاکستانیوں نے سرچ انجن پر ہر سال کی طرح اس سال بھی سیاست،مشہور شخصیات، انٹرٹینمنٹ، ٹیکنالوجی، لذیذ کھانوں اور کھیلوں کے مختلف ٹورنامنٹس کے بارے میں اہم معلومات کی تلاش کی۔
رواں سال پاکستان میں گوگل پر سب سے زیادہ سرچ کیے گئے موضوعات:
1- ٹی 20 ورلڈ کپ
پاکستان ٹی 20 ورلڈ کپ کے فائنل میں تو پہنچا لیکن انگلینڈ کے ہاتھوں 5 وکٹوں سے شکست کا سامنا کرنا پڑا۔
2- ایشیا کپ 2022ء
پاکستان رواں سال ایشیا کپ کے فائنل میں بھی پہنچا لیکن سری لنکا کو شکست دینے میں ناکام رہا۔
پاکستان کی جارحانہ بیٹنگ لائن اپ کو قابو کرنے کے لیے ایشیا کپ کے فائنل میں سری لنکا نے میچ کے ابتدائی دس اوورز کے بعد پاکستانی ٹیم کو سنبھلنے کا موقع نہیں دیا اور پاکستان کو شکست دے کرایشیا کپ کا ٹائٹل چھٹی مرتبہ اپنے نام کرلیا۔
3- پی ایس ایل 7
اسی طرح پی ایس ایل کا ساتواں ایڈیشن بھی ملک میں کرکٹ کے شائقین کے لیے ایک بہت ہی اہم ایونٹ تھا کیونکہ یہ ایڈیشن لاہور قلندرز نے زبردست کارکردگی کا مظاہرہ کرتے ہوئے ملتان سلطانز کو 42 رنز سے شکست دے کر 7 سالوں میں پہلا پی ایس ایل ٹائٹل اپنے نام کیا۔