کوئٹہ (آن لائن)جمعیت نظریاتی کےمرکزی سیکرٹری اطلاعات سیدحاجی عبدالستارشاہ چشتی نے کہاہے کہ کوئٹہ میں جرائم پیشہ عناصر کی جانب سےاسلحہ کے زور پر شہریوں کو روزانہ کی بنیادوں پر گاڑیوں ‘ موٹرسائیکلوں‘ موبائل فونز ‘ نقدی اورقیمتی سامان سے محروم کیاجارہاہے چور اورڈاکو سرعام وارداتیں کررہے ہیں لیکن پولیس اورانتظامیہ خاموش ہے جس کے باعث لوگ اور کاروباری افراد عدم تحفظ کا شکارہیں انہوں نے کہاکہ بدامنی کے بڑھتے ہوئے واقعات حکومت اور انتظامیہ کیلئے سوالیہ نشان ہیں متعلقہ ادارے عوام کاتحفظ یقینی بناکر جرائم پیشہ عناصر کے خلاف بلاتفریق کارروائی یقینی بنائیں کیونکہ لوگ پہلے بے روزگاری اورمہنگائی کے ہاتھوں نان شبینہ کومحتاج ہوگئے ہیں۔