بالی ووڈ کی معروف اداکارہ پریتی زنٹا نے اپنے کیرئیر کے پہلے فوٹو شوٹ پر دلچسپ تبصرہ کیا ہے۔
پریتی زنٹا نے فوٹو اینڈ ویڈیو شیئرنگ ایپ انسٹاگرام پر اپنے کیریئر کے فوٹو شوٹ کی ایک تصویر شیئر کی ہے۔
اُنہوں نے یہ تصویر شیئر کرتے ہوئے لکھا کہ’میں اپنی کچھ پرانی چیزیں دیکھ رہی تھی تو یہ تصویر ملی!‘
اداکارہ نے لکھا کہ’یہ تصویر میرے پہلے فوٹو شوٹ کی ہے جب میں 20 سال کی تھی اور میں سوچتی تھی کہ مجھے وہ سب کچھ معلوم ہے جو مجھے دنیا کے بارے میں جاننے کی ضرورت ہے سوائے اس کے کہ فوٹو شوٹ کے لیے پوز کیسے دیا جائے‘۔
پریتی زنٹا کی اس پوسٹ کو سوشل میڈیا صارفین کی جانب سے بہت پسند کیا جا رہا ہے اور ان کی خوبصورتی کی خوب تعریفیں بھی کی جا رہی ہیں۔
یاد رہے کہپریتی زنٹا نے 1998ء میں فلم’دل سے‘ کے ذریعے بھارتی فلم انڈسٹری میں قدم رکھا تھا۔