برطانوی حکومت پناہ گزینوں کو حراست میں لینے کے لیے رواں ہفتے سے خصوصی آپریشن شروع کرے گی۔
برطانوی میڈیا رپورٹس کے مطابق توقع سے کچھ ہفتے پہلے ہی سیاسی پناہ گزینوں کی ملک بدری کی تیاریاں ہیں۔
حکام کا منصوبہ ہے کہ امیگریشن سروس کے دفاتر آنے والے پناہ گزینوں کو وہیں سے حراست میں لے لیا جائے اور انہیں فوری طور پر حراستی مراکز میں منتقل کر دیا جائے گا۔
واضح رہے کہ برطانوی وزیراعظم نے کہا تھا کہ رواں سال موسم گرما میں پناہ گزینوں کی پہلی پرواز روانڈا کے لیے روانہ ہوگی۔