اسلام آباد (ساجد چوہدری )راولپنڈی کچہری چوک کشادگی منصوبے کا جائزہ لینے کیلئے پری پی ڈی ڈبلیو پی کا اجلاس (آج)پیر کو متوقع ہے ، چیئرمین پی ڈی ڈبلیو پی اجلاس کی صدارت کرینگے ، ذرائع کے مطابق راولپنڈی سے محکمہ ہائی پنجاب کے ایکسین اظہر حنیف پری پی ڈی ڈبلیو پی میں اپنے محکمے کی نمائندگی کرینگے ، پری پی ڈی ڈبلیو پی میں عوامی اہمیت کے حامل اس منصوبے کا جائزہ لینے کے بعد اسے منظوری کیلئے پی ڈی ڈبلیو پی میں پیش کیا جائے گا ، ذرائع کے مطابق اس منصوبے کی لاگت 1818اعشاریہ 891ملین روپے ہے، جس میں پارکنگ پلازہ بھی شامل ہے ، پارک پلازہ کی لاگت 45کروڑ روپے لگائی گئی ہے ، ذرائع نے بتایا کہ اس منصوبے پر جلد کام شروع ہونے کی توقع ہے ۔