وفاقی وزیر داخلہ محسن نقوی اور ایم کیو ایم رہنماؤں کے درمیان ملاقات کے حوالے سے ذرائع کا کہنا ہے کہ ایم کیو ایم کی قیادت نے کراچی میں اسٹریٹ کرائمز اور قتل کی وارداتوں پر تشویش کا اظہار کیا۔
ذرائع کے مطابق ایم کیو ایم وفد نے وزیر داخلہ کے سامنے لاپتا کارکنوں کی بازیابی کا معاملہ بھی اٹھایا۔
ایم کیو ایم کے ذرائع کا کہنا ہے کہ یہ کوئی معمولی جرائم نہیں، اس پر آپ کو سخت ایکشن لے کر ہدایات جاری کرنا ہوں گی۔
ایم کیو ایم نے مطالبہ کیا کہ ان مجرمان کے خلاف کوئی رعایت نہیں برتنی چاہیے، ان کے خلاف کارروائیاں سخت کریں۔
ایم کیو ایم کے ذرائع کے مطابق کچے کے ڈاکو ہوں یا پکے کے انکے خلاف سخت ایکشن ہونا چاہیے۔
ذرائع کے مطابق ایم کیو ایم نے مطالبہ کیا کہ اسٹریٹ کرائمز میں قتل ہونے والے شہریوں کے اہل خانہ کو معاوضہ دیا جائے۔