بھارتی اداکارہ سوناکشی سنہا کی شادی کے موقع پر ایک نامعلوم مہمان اپنے مضحکہ خیز رقص کی وجہ سے لوگوں کی توجہ کا مرکز بنا رہا۔
سوناکشی سنہا نے طویل عرصے کے ریلیشن شپ کے بعد ظہیر اقبال سے شادی کرلی، دونوں کی شادی تو رواں ہفتے کے آغاز میں ہوئی لیکن وہ اب بھی خبروں کی زینت بنی ہوئی ہے۔
شادی کی تصاویر اور ویڈیوز سوشل میڈیا پر مسلسل سامنے آرہی ہیں۔ لیکن حال ہی میں سامنے آنے والی ویڈیو میں شادی میں نامعلوم مہمان کو دیکھا گیا۔
دلہے میاں ظہیر تو اپنے دوستوں کے ہمراہ ڈانس فلور پر گیت ’یہ کالی کالی آنکھیں‘ پر ڈانس میں مصروف تھے، لیکن ویڈیو میں لوگوں کی توجہ حاصل کی عقب میں نظر آنے والے ایک اکیلے انجان شخص نے جو مضحکہ خیز ڈانس اسٹیپس کرنے میں مصروف تھا۔
سوشل میڈیا پر شیئر اس ویڈیو کو جس نے بھی دیکھا وہ تبصرہ کیے بغیر نہ رہ سکا۔