وزارت داخلہ نے کہا ہے کہ محرم میں انٹرنیٹ بند کرنے کے حوالے سے صوبوں کی درخواست مسترد کرنے کی خبریں درست نہیں۔
ترجمان وزارت داخلہ کا کہنا ہے کہ اس معاملے پر قیاس آرائیوں سے پرہیز کیا جائے، صوبوں کی طرف سے درخواستوں پر وزارت داخلہ نے کوئی فیصلہ نہیں کیا۔
ترجمان کے مطابق وزیراعظم کے دفتر سے بھی اس معاملے پر کسی قسم کی کوئی ہدایت جاری نہیں کی گئی۔
وزارت داخلہ کا مزید کہنا ہے کہ ابھی کسی صوبے کی درخواست منظور کی ہے نہ مسترد۔